Bladbadan Majempong Bebek

Postingan ini indik blabadan dan contohnya.

Pengertian Blabbadan

Bladbadan kawangun antuk kruna lingga "babad" maarti tutur jati sane sampun kalampahan riin. Babad taler maarti abas wiadin basang kebo, banteng, utawi kambing.

Bladbadan Majempong Bebek

Sasampun polih seselan "el", lan pangiring "an" raris kadwipurwayang dados bebladbadan sane mateges kruna bebasan, kaanggen papiringan, saha madue purwakanti (bersajak).( Simpen, basita paribasa, 39,2004)

Wangun Bladbadan

Bebladbadan puniki kawangun antuk lengkara utawi kruna tigang palet. Krunane sane paletan kapertama dados "giing" utawi "bantang", krunane sane kaping kalih apalet, "arti sujati (bebasanipun)", sakadi sampiran, sane ngawangun purwakanti (sajak), krunane sane kaping tiga "arti paribasa", wiadin suksmanipun.

Contoh Bladbadan

Majempong bebek puniki ngranjing soroh bladbadan, inggih punika ngindayang wiadin nganutang solah jatma ring solah buron wiadin taru.

Majempong bebek punika artos/arti sujatine jambul, ring bladbadan (kaparibasan) dados ngambul.

Conto ring lengkara:

1. I Putu majempong bebek, ibi sanja
2. Krana sing belianga plalian, I Made Saras majempong bebek.
3. Tusing baanga bekel lebihan, Ni Ketut Bares majempong bebek.

Nika sampun kasurat conto bladbadan Majempong Bebek

Conto bladbadan sane lian, cingak ring sor!

Bladbadan	Arti Sujati (Sebenarnya)	Paribasa Arti Kias
Ketimun pait	paya	semaya
Wayang gadang	Kresna	tresna
Macarang Uga	sambilan	masambilan
Matabeng gelang	tutub	tutugang
Makunyit di alas	temu	katemu
Mabuaya di tegal	alu	nglalu, kalu
Mataluh nyuh	tombong	sombong
Jukut gedebong	ares	ngeres-eresin
Matiuk Jawa	belati	ngulati
Mabatis bebek	gempel	ngempelin
Base wayah	kakap	gapgapan
Mabuah jaka	beluluk	nguluk-nguluk
Mabuah wayah	jebug	gedebug
Mabuah kelor	klentang	klentangin
Mabubuh kladi	kulek	elek
Jaja uli magula	abug	jebug
Maboreh tangkah	buat	kuat
Mablakas peleng	timpas	mimpas
Mabaju tanpa lima	kutang	kutang
Beruk magantung	kakocor	bocol
Maabian Jawa	kebon	ngebon
Matanah pasih	bias	biasa
Macucun Jaler	Cawet	Macuwet
Makamen di sundukr	Selsel	Maseselan
Mayeh tape	Berem	Merem
Matalin radio	Antene	Nganten
Mapupur tanah	buk	ibuk
Madamar bangke	angenan	Mapangenan
Makutun bale	tuma	Tuman
macarang nyuh	papah	ngepah
Makatak wayah	dongkang	nongklang
Blauk ngindang	capung	ngapung

Nika sampun kasurat conto bladbadan
Dumogi wenten pikenoh ipun.
Suksma.