 |
| Tri Kaya Parisudha |
Posting puniki mamurda 'Conto Pidarta Basa Bali Tri Kaya Parisudha". Utami ring bahasa Indonesia dados Contoh Pidato Bahasa Bali tentang "Tri Kaya Parisudha".
Pidarta utami pidato punika, dados salah sinunggil anggen titiang ngrajegang basa Bali ring sajeroning matutur wiadin matimbang wirasa, mangdane basa bali punika dados "linguapranca" wiadin bahasa pergaulan utawi basa ibu ring Bali. Lian ring nika, posting contoh pidarta basa bali utami contoh pidato bahas bali "Tri Kaya Parisudha " puniki prasida dados ngawewehin malih, pidarta-pidarta sane sampun kasurat ring galahe sane sampun langkung.
Rarisan tureksain ring daftar isi blog titiang, raris rereh Lebel About-Bali. Drika sampun kasurat pidarta-pidarta Bali, sira ugi wenten sane dados tatujon sane ngaruruh contoh pidato bahasa bali.
Inggih, titiang nenten panjang atur malih. Ring sor puniki, kasurat conto pidarta basa bali sane mamurda "Tri Kaya Parisudha".
Ida dane sareng sami sane dahat suksmayang titiang.
Kaping ajeng ngiring iraga sareng sami ngaturang pangayubagia majeng ring Ida Hyang Parama Kawi, Ida Sang Hyang Widhi Wasa, riantukan saking kaledangan lan wara nugrahanida, ratu ida dane prasida rauh ring galah sane becik puniki, antuk nguncarang panganjali “Om Swastyastu”.
Ratu Ida dane sareng sami, pamekas Bapak/Ibu guru sane baktinin titiang.
Ri galahe puniki, titiang ngaturang dharma wacana ngeninin indik “Tri Kaya Parisudha”.
Ida dane sane wangiang titiang.
Tri kaya parisudha inggih punika ajah-ajahan kadharman ring Sanatana Dharma Hindu. Tri kaya parisudha kaketus saking semboyan dharma sane kasurat “Parepakaraan punya ya, papaya, para piadanan”, tegesipun gerak utawi tingkah lan parisudha sane mateges suci.
Tri kaya parisudha teges ipun tetiga tingkah utama sane patut kasuciang. Tingkah sane tetiga punika sekadi mapineh, ngaraos lan mapilaku. Tatiga punika sandang suciang. Kayika Parisudha (Berbuat yang baik/suci), wacika parisudha (berbicara yang baik/suci), manacika parisudha (berpikir yang baik/suci). Yening prasida ngelarang tur ngrajegang tri kaya parisudha punika, mawastu iraga dados sulinggih. Sulinggih punika “su” artinne becik, “linggih “ maarti genah. Raris sulinggih maartos “genah becik”. Genah becik nunas ajah, genah becik matimbang wirasa manut darma, tutur kadharman.
Ring kalpa mangkin, sane kabaos kaliyuga wiadin zaman kali, meweh pisan iraga ngeruruh anutan, arang pisan nemu manusa sane subudi, pakerti luhur. Yugane sampun usak, nika ngranayang jagat mangkine akeh byuta, akeh kapialang, bromocorah, duratmaka, durjana, dusta.
Akeh jadmane sane madat, madon, ngulurin sadripu sane ngametuang sapta timira ring manusane soang-soang.
Akeh manusa sane mabuk. Mabuk olih sastra, mabuk olih kemudan, mabuk krana harta lan brana, mabuk olih mangan lan nginum.
Ratu Ida dane, pamekas Bapak/ibu Guru sane dahat tresnasihin titiang.
Nika, mawinan irika iraga sareng sami patut saling asah asih lan asuh, ring semeton iraga sareng sami. Antuk tri kaya parisudha pasawitran, pasemetonan, bebanjaran dados ingkup, salunglung sabayantaka, paras paros sarpanaya, sagalak sagilik saguluk. Kenten baos para lingsire nguni.
Yening sampun prasida paras paros, sagalak sagilik saguluk tur sane linanan punika, pastika sampun tatujon agama “Moksa lan jagadhita” prasida kapangguh.
Ratu ida dane, sameton lan sawitran titiang
Bapak/ibu guru sane singgihang titiang.
Wantah kadi asapunika prasida titiang ngaturang dharma wacana ngeninin “Tri Kaya parisudha” ring galah becik puniki.
Titiang nunas pengampura ping banget, inggian daging dharma wacana titiang. Antuk kirang lan langkungnya nenten lali titiang nglungsur gung rena sinampura.
Taler nenten lali titiang ngaturang suksmaning manah antuk uratian ratu ida dane sareng sami.
Pinaka pamuput atur titiang, pinih untat sineb titiang antuk parama santhi.
Om Shanti, Shanti, Shanti, Om
Inggih, asapunika sampun kasurat contoh pidarta basa bali utawi contoh pidato bahasa bali sane berjudul "mamurda " "Tri Hita Karana ".
Dumogi wenten pikenohipun. Ngeninin contoh-contoh pidato sane linan rarisang klik link About Bali puniki. Tureksain, drika wenten makudang-kudang contoh pidarto bahasa Bali.
Suksma
Tidak ada komentar:
Posting Komentar
Masukkan komentar dan atau pertanyaan .......