Contoh Pidato Bahasa Bali Hari Saraswati

Pidato bahasa Bali atau kalau dalam bahasa Bali "Sambrama Wacana" adalah pidato yang menggunakan bahasa bali dengan mengambil topik atau tema tertentu sesuai dengan situasi dan kondisi serta waktu ketika pidato tersebut di bawakan atau dibacakan.

Pidato Basa Bali Saraswati

Pada posting kita saat ini, Sekar mencoba memberikan contoh pidato bahasa bali tentang Hari Raya Saraswati utawi rahinan jagad Saraswati. Daging sambrama wacana puniki ngeninin indik rahinan Hari saraswati sane sampun ketah kauningin inggih punika rahinan tedun sekancan tattwa lan kaweruhan (filsafat dan ilmu pengetahuan). Inggih.... Sambrama wacana indiki Rahinan Saraswati jaga kakawitin.

Om Swastyastu,
Matur Suksma mantuk ring pangenter bawos wiadin pangenter acara, antuk galah sane katiba ring dewek titiang.
Majeng ring Guru pengajian titiang sinamian, titiang ngaturang parama suksma antuk keledangan guru.
Mantuk ring sawitran titiang, sisya sinamian lanang istri sane tresnasihin titiang.
tur uleman sinamian sane wangiang titiang.

Ring galahe sane becik punika, ritat kala nemu rahinan jagat saraswati, titiang, nirdon, ngaturang amatra parindikan rahinan jagat puniki, ring ajeng ratu ida dane sinamian, riantukan rahinan punika suksmanipun luwih pisan. Riantukan kaluwihan punika, titiang sareng ngadigin suksmanipun ring ajeng ratu idane sinamian

Ratu Ida Dane Sinamian,
Luwih, sekadi sane sampun aturang titiang ring ajeng, mawinan ring rahinan jagad, saraswati, puniki, iraga sareng sami, nyiksik bulu, nyiksik raga, mulat sarira ring anggan pamiarsa soang-soang. Mulat sarira, nyawur pitaken sampun ke titiang nganutin tattwa dharma?, wiadin Sampun ke titiang ngelarang Tri Kaya parisudha ring sajeroning kahuripan?

Sawitran titiang Sareng Sami,
Pitaken makakalih sane aturang titiang ring ajeng punika, yening sampun prasida kasaur, prasida karesepang daging tatwane, pastika sampun pesaur punika mabuat pisan. Napi mawinan asapunika? Mapan yening sampun prasida kasaur tur pesaure punika sampun nganutin tata titi, anggah ungguhin wong sane ngrajegang sanghyang sastra ring angga sarira, rumasat sanghyang aji Saraswati, nika sane patut kajujuh, karuruh sadina-dina, majalaran antuk nunas ajah, ngaruruh kaweruhan ring pasraman, sekolah, tur genah-genah ngaruruh sastra sane lianan. Galah ngraruruh kaweruhan, tutur kadyatmika, nika sane kasengguh brahmacari. Brahmacari ngaranya, galah ngaruruh kedharman, nguber sane mawasta susastra. Su ngaran becik, sastra ngaran kaweruh wiadan ilmu pengetahuan. Yening sampun prasida, suputra pastika pacang kapangguh.

Sawitran titiang sareng sami,
Dewi Saraswati, dewi sane kalintang ayu, pinaka pratiwimba, ilmu pengetahuan punika dahat ngulangunin, dahat nyunyur. Ida ngambel piranti minakadi bunga tunjung, ganitri, cakepan (kropak), lan rebab/sitar, tur kaapit olih angsa lan merak.

Sawitran titiang, para sisya sinamian
Bunga tujung maka simbol ilmu pengetahuan punika suci, nenten sebel, nenten leteh, nenten cuntaka, nenten kotor, nenten daki, tur sane lianan. Ilmu pengetahuan punika, setata bersih, setata kedas, resik. Nika mawinan sekar tunjung kaangen pretiwimba (conto) mapan sekar tunjungi mentik ring endut wiadin buwug sane kotor, nanging ipun kantun bersih, nenten kaletuhin olih endute punika.

Yening, rerehang titiang ring desa kala lan patra ring selantang tuwuh kahuripan, minabang titiang, ratu idadane sawitran titiang ketah sampun miraga orti, mireng bawos, ngwacen ring koran-koran, wiadin nonton ring TV, Eed jagat sekadi mangkin, pasawitran wiadin pergaulan sane kaon, ngiunin wiadin ngombe ajeng-ajeng sane nenten wenten pikenohipun ring kesehatan duene. Narkoba, miras, zat psikotropika. Ring eed jagat mangkine katah, elah antuk ngaruruh, ngerereh. Raris.... Sanghyang Aji Saraswati sane kaumpamiang sekadi sekar tunjung sane mekar sane mentik ipun ring endute nenten keletuhin, nenten kakotorin olih tanah wiadin toya putek. Napike sawitran titiang sami presida nganutin sekadi i sekar tunjung punika? Diastun ratu idadane wenten ring genah sane kaon, sekadi sane aturang titiang sane wawu, miras, narkoba, pergaulan bebas sane nenten becik, napike ratu ida dane kantun bersih, suci?

Ampurayang titiang, riin ratu ida dane sinamian, pamekas sawitran titiang sane kantun anom. Titiang boya ja jagi ngaturang aji, ngaturang nilai, nanging ngiring sareng sami, titiang ngajak sawitran titiang sinamian, mangdane prasida nyonto ipun i sekar tunjung.

Inggih para pamiarsa sinamian, guru, sawitran titiang tur uleman sinamian. Wantah asapunika titiang prasida ngaturang ring ajeng, indik Rahinan Jagat Saraswati Puniki.
Dumogi napi sane aturang titiang wenten pikenohipun ring sajeroning nglanturang pamargi nugtug tuwuh, nugtug urip ring jagate.
Pinih untat titiang nenten lali nglungsur Gung Rena sinampuran majeng pamiarsa sinamian. Mapan akeh atur tiang, sujatinipun akeh taler kaiwanganne. Akidik suksman ipun nanging agung tatujone.

Inggih, puputang titiang antuk paramasanthi.
"Om Santhi, santhi, santhi Om.

Nika sane wawu sampun aturang ritiang ring pamidara pengunjung blog titiange. Dumogi contoh pidato bahasa Bali Saraswati puniki dados tetuek, wiadain conto ring sajeroning nyurat wiadin ngelengkara pidarta sane lianan.

Suksma.

Demikian contoh pidato bahasa Bali tentang Hari Saraswati. Untuk contoh yang lain kunjungi All about Bali