Ring galah sane mangkin, titiang jagi ngaturang utawi ngawedar indik contoh surat basa bali sane katur majeng ring murdaning jagat kabupaten, kecamatan, wiadin sane nyengcengan palemahan desa dinas lan desa pakraman. Dumogi sane kasurat ring sor, dados anggen titi tur ngwangun sakirang-kirangne sasurat basa bali.
Ring sor jagi katur contoh surat undangan bahasa bali, utawi contoh surat bahasa bali. Ring sor wenten makudang-kudang contoh salah sinunggil contoh uleman bahasa bali. Indik surat resmi bahasa Bali, taler katur ring sor. Raris, icen titiang masukkan saran lan kritik ring kolom komentar, mangda prasida nincapang konten ri kewekasan.
Raris, tureksa sekadi ring sor puniki!
Surat Undangan Utami Surat Uleman Bahasa Bali Dewa Yadnya
KOP SURAT
| Nomor | : | ........... | Katur Majeng Ring: | |
| Lamp. | : | ........ | Ratu/Ida/Dane/Jro | |
| Indik | : | Uleman | Ring Puri/Griya/Jero/Umah Soang-soang |
Om Swastyastu,
Melarapan antuk asung kerta wara nugrahan Ida Sanghyang Parama Kawi, lan Ida Betara Lelangit, titiang Preti Sentana Sri Kresna Kepakisan Desa Pakraman Bungbungan, Desa Bakas, Kecamatan Dawan, Kabupaten Klungkung pacang nangun yadnya, Dewa Yadnya Mamungkah, Ngenteg Linggih, Mupuk Pedagingan ring Pura Dadian titiang, ri Coma Kliwon Landep, pinanggal 26 Maret 2018 Masehi.
Angayu bagia pisan manah titiang sareng sami, yening rikala punika Ratu/Ida/Dane prasida nyaksiang, tur sareng-sareng ngrastiti, ngulati kerahayuan jagat lan ngeraketang pasawitran sareng sami. Ri galah:
| Rahina/Pinanggal | : | Coma Kliwon Landep, Senin, 26 Maret 2018 |
| Dawuh | : | 09.00 Wita |
| Genah Ring | : | Pura Dadia Preti Sentana Sri Kresna Kepakisan), Desa Pakraman Bungbungan, Desa Bakas, Kecamatan Dawan, Kabupaten Klungkung |
Asapunika uleman lan atur titiang. Dumogi sangkaning pasuecan Ida Sanghyang Parama Wisesa, Ratu/Ida/Dane Prasida nagingin lan ngarauhin titiang.
Antuk Ledang Ratu/Ida/Dane titiang ngaturang Suksma.
Om Santhi, Santhi, Santhi, Om
| Manggala Yadnya | Genah, ........... Penyarikan, |
|
| I Nengah Putra | I Putu Penyarikan |
Asapunika contoh surat undangan uleman basa bali puniki, sane kasurat ritatkala ngulem ida dane semeton krama, wiadin angga (pribadi), tur dados taler kaangge tatkala ngulam ida anak agung, guru wisesa pinaka murdaning jagat (provinsi, kabupaten, camat). Pinunas titiang, raris anutang taler sareng Desa, Kala, lan Patra
soang-soang genah, lan tata titi tur anggah ungguh soang-soang.
Contoh uleman pawiwahan lan Ulemen Manusa Yadnya
Ring sor, wantah conto undangan utawi uleman pawiwahan. Sekadi ring pamahbah atur titiang, contoh punika taler kantun wenten kakirangan wiadin kelangkung antuk titiang nyurat wiadin, basa basita sane durung trepti.
| Katur Majeng Ring: | |
| Ratu/Ida/Dane/Jro | |
| Ring Puri/Griya/Jero/Umah Soang-soang |
Om Swastyastu,
Mawit saking manah gargita, kairingin raris paican Ida Sanghyang Parama Wisesa, lan panugrahan Ida Betara Lelangit, titiang prasida nabdabang yadnya, inggih punika Manusa Yadnya. Manusa yadnya sane kamargiang wantah pawiwahan pianak Titiang I Putu Suputra, sareng ipun Ni Made Dewi Sujati.
Paletan-paletan yadnya, sampun prasida kapuputang, raris rauh ring paletan makerabkambe sane jaga kalaksanayang ring Dina Anggara Umanis Sungsang, pinanggal 17 April 2017 masehi.
Angayu bagia pisan manah titiang sareng sami, yening rikala punika Ratu/Ida/Dane prasida nyaksiang, tur sareng-sareng ngrastiti, mangda prasida nemu subagia ring ghrahasta asrama, tur ngeraketang pasawitran sareng sami. Ri galah:
| Rahina/Pinanggal | : | Coma Kliwon Landep, Senin, 18 April 2017 |
| Dawuh | : | 09.00 Wita |
| Genah Ring | : | Kubun titiang, ring Banjar Selat, Desa Pakraman Bungbungan, Desa Bakas, Kecamatan Dawan, Kabupaten Klungkung |
Asapunika uleman pawiwahan lan manusa yadnya atur titiang. Dumogi sangkaning pasuecan Ida Sanghyang Parama Wisesa, Ratu/Ida/Dane Prasida ledang ngarauhin titiang.
Antuk kaledangan Ratu/Ida/Dane titiang ngaturang Suksma.
Om Santhi, Santhi, Santhi, Om
| Kasarengin Olih: | Genah, ........... Titiang Pangulem, |
|
| I Putu Suputra, Ni Made Dewi Sujati, Lan Kulawarga. | Pan Putu Suputra |
Contoh surat Uleman Sangkep utawi Parum
Surat punika wantah surat Atur Piuning/Pakeling utawi contoh surat pemberitahuan, sane kasurat olih pengremba pawangunan utawi panitia pembangunan ring Desa Pakraman. Niki taler dados karanjingan ring Contoh Surat Resmi.
Pamicutetne, dumogi contoh punika dados kaanggen ngalimbakang malih contoh-contoh surat bahasa bali sane lianan.
DESA PAKRAMAN PENARUKAN BANJAR ADAT PINDI
DESA BUNGBUNGAN KECAMATAN BANJARANGKAN
KABUPATEN KLUNGKUNG
| Pesalin | : | 01/Pindi/IX/2018 | Pindi, 9 September 2018 | |
| Lepitan | : | - | Praya Katur Ring: | |
| Indik | : | Atur Pinuing | Krama Wit Banjar Adat Pindi | |
| Ring-Jro/Puri/Geria soang-soang |
Om Swastyastu,
Dumogi Sangkaning Pasuecan Ida Sanghyang Widhi, Semeton sinamian pada kenak rahayu.
Mawiwit antuk pengapti sane hening suci nirmala, malarapan swalapatra puniki, titiang ngangganin prajuru Banjar Adat Pindi, lan Pengremba (Panitia) Pawangunan, tur kasarengin taler olih krama pengempon Pura Dalem Purwa Pindi, jagi ngamargiang pawangunan “Gelung Kori lan Candi Bentar” sane magenah ring utama mandala.
Indik prabea penelasnyane sampun katarka kirang langkung “Samas yuta rupiah” (Rp. 400.000.000,00). Prabea punika karauhang saking proposal lan urunan Krama Pengempon Pura Dalem Purwa Pindi.
Ainggih, kadi asapunika daging pakeling/atur piuning titiang majeng ring Ratu/Ida/Dane krama wit Banjar Adat Pindi, Desa Bungbungan, Kecamatan Banjarangkan, Kabupaten Klungkung ring galahe mangkin. Titiang ngangganin krama Banjar Adat Pindi, nglungsur Agung Rna Pengampura maka kirang wiadin langkung atur piuning niki. Dumogi asung kerta wara nugraha Ida Betara Sasuhunan, ledang mapica kerahayuan lan kerahajengan.
Puput.
Om Santih, Santih, Santih, Om
| Manggala Pawangunan (......................) | Penyarikan, (..........................) |
Conto surat mabasa bali Pengumuman
Semaagung, 7 Oktober 2019
Pipil :
Lepitan :
Indik : Pidabdan Wali ring Padma
Katur Majeng Ring :
Wargi Pagubugan BTN Semaagung
ring-
Genah soang-soang
Om Swastyastu,
Dumogi sangkaning pasuecan Ida Sang Hyang Widhi Wasa, Ratu Ida Dane cunduk titiang pada rahayu tur seger oger.
Maduluran swalapatra puniki, titiang, Kelihan Pagubugan BTN Semaagung Indah, nanginin warga sinamian, indik wali ring padmasana druene, sane ring warsa mangkin mungguh ring pinanggaL 13 sasih Nopember warsa 2019. Inggian asapunika, sekadi perarem sane sampun kacumponin sareng sami, Ratu Ida Dane mangdane arsa ledang ngamedalang paturunan soang-soang KK Rp. 120.000,00 (Seratus dua puluh ribu rupiah). Dana punika, dados karauhing ring petengen druwe dane Agung Aji, mangda prasida kasurat tur pastika ngranjing ring kas druwene. Cutetang titiang, paling ungkur mangda kasusrahang ring pinanggal 3 Nopember 2019.
Dumogi antuk kaledangan tur jyoti Ida Sanghyang Widhi, Ratu Ida Dane prasida arsa ledang, tur wali sane jaga rauh prasida mamargi antar. Suksma.
Om Santhi, Santhi, Santhi, Om.
Kelihan,
Pan Putu Santi
Pinunas:
- Sang sane ngontrak utawi warga tios gama, mangda ledang nyarengin mapunia, mapan dana sane kapulpulang, taler kaanggen ngamecikang palemahan, minakadi margin, tur siosan.
- Makeni pengangge, muwah mareresik kamargiang ring dina radite 10 Nopember 2019
Wantah asapunika titiang prasida ngaturang contoh surat undangan basa Bali. Dumogi prasida anggen ngalimbakang malih contoh-contoh sane sampun kasurat.
Panguntat, titiang lungsur gung rna sinampura.
suksma
BalasHapusSuksma mawali
HapusSuksma
BalasHapusSuksma mawali
Hapusmatur suksma
BalasHapus