Pidato bahasa Bali ring Ulang Tahun Sekolah (tema pendidikan)

Pidato Bali tema Pendidikan

Pidato Bahasa Bali tema Pendidikan ini memperkaya contoh-contoh pidato yang lain. Pada waktu yang lalu di postingan kita terdahulu, telah Sekar posting artikel pidato bahasa bali dengan tema lingkungan, tri hita karana, bisa di lihat di pidato bahasa bali indik sampah luwu dan contoh pidato tri hita karana. Kali ini Sekar ingin berbagi contoh pidato bahasa bali tema ulang tahun sekolah dengan mengambil tema pendidikan. Semoga ini dapat bermanfaat bagi yang membutuhkan.

Pidato bahasa bali tentang ulang tahun sekolah sebagai tema pendidikan ini dibuat sebagai sebuah contoh pidato bahasa bali, bukan sebagai sesuatu yang harus dibuat sedemikian rupa, karena pidato bahasa Bali ini hanya contoh semata. Bila ditemukan hal yang kurang berkenan pada para sarjana dan pemerhati bahasa bali, mohon masukan dan arahannya, agar Sekar bisa ikut serta dalam membagi pengetahuan dan ilmu kepada pembaca blog Sekar ini. Sebelumnya Sekar haturkan terima kasih.

Pidato bahasa Bali ring Ulang Tahun Sekolah (tema pendidikan)

Om Swastyastu,
Mantuk ring pangenter acara, titiang ngaturang suksma indik galah sane kapaica ring titiang.

Bapak lan Ibu Guru sane wangiang titiang, utamanipun Bapak Kepala Sekolah sane dahat kusumayang titiang.
Bapak ketua Komite Sekolah, sane singgihang titiang.
Bapak lan ibu para atiti sane uratian ring dunia pandidikan, sane sumbungang titiang.

Ring galahe mangkin, ring wanti warsa sekolahe puniki, dinane mangkin, ampurayang titiang, sumbung jagi ngaturang pakrimik manah titiange dados sisya driki ring sekolah...........................   sane sampun kalih warsa. Minabang titiang, para sawitran titiang taler madue pakrimik ring keneh, sane dados sel kayun, sane dados tanggun tutur, sane stata ngabayang-bayang ring angen-angen. Atur titiange puniki boya ja becik, nanging kalintang nista. Yadiastun asapunika, tetuwek wiadin tatujon titiang nyobyahang ring ajeng ratu ida dane, Bapak lan Ibu Guru, mangdane kulawarga sekolahe punika prasida metik ajah-ajah saking pidabdan sane sampun mamargi awarsa lintang puniki.

Pamiarsa sareng sami, utamanipun ring Bapak lan Ibu Guru.
Sekolah, minakadi pasraman aturang titiang, nenten lian wantah genah para sisya malajah, mauruk, tur genah para sisya nyihnayang kaweruhan, nyihnayang kabisan nelebang sekancang sastra. Taler genah macentok, malomba ring sajeroning ngruruh sastra.Ring sekolah puniki genah para sisya nyangling manah mangda alus, ngeret indria mangda prasida dados manusa. Asapunika kautaman sekolahe. Kautaman punika prasida kapanggih, yening para kulawarga ring sekolah puniki mamargi trepti, salunglung sabayantaka, saling asah, asih lan asuh. Nenten wenten sane ujar ala, makasami mapakardi becik, maupakarti rahayu, ngupapira kasukerta, nganutin visi lan misi sekolah, tur stata ngrajegang tatujon masekolah.
Niki sane patut uratiang sareng sami. Mawali ring visi dan misi sekolah, raris kaping kalih mawali ring tatujon para sisyane masekolah.

Pamiarsa, pamucukne para sisya sareng sami
Tatujon sisyane, cututne iraga, masekolah nenten je tios wantah ngruruh sastra, ngruruh tur ngwangun swagina, mangda prasida kalimbakang. Sastra kaweruhan sane prasida kaanggen titi, mangda prasida kaanggen sekadi prahu rikalaning ngentasin tasik.. Titi indayang titiang sekadi iraga jagi ngaliwatin tukad. Napi malih tukade punika jimbar. Yening rerehang titiang ring raos "embang" linggah. Iraga patut ngwangun titi raos mangkine jembatan, utawi ngekadaya makarya rakit, jukung mangda prasida ngalintangin i tukad. Napi malih tukade akeh buayane....
Antuk kaweruhan, swagina, iraga pacang nutugang tuwuh ngwangun kulawarga rauh ke jagat. Nika mawinan, iraga masekolah, jaga nglimbakang kapradnyanan, kaduwegan, kabisan, sane prasida anggen senjata ring dewek ngarepin sekancan satru ring kauripan.

Pamiarsa Sareng sami,
Sane mangkin meled titiang mapitaken sareng Bapak wiadin Ibu guru utamanipun, ping kalih para sisya sareng sami sane prasida rauh rikanjekan mangkin.Pitaken punika mabuat pisan. Pesaurne patut kaanggen enjekan mangda prasida nincapang sane sampun kapolihang. Pitakonne "Sampunke iraga sareng sami nyepat sareng tatujon sekolah tur tatujon para sisya masekolah? Sane aturan titiang ne wawu jagi ngruruh sastra lan swagina? Niki, patut kacawis dumun. Patut jujur tur sujati nyawis pitakene.
Yening durung, minab lali, wiadin kantun awang-awangan, titiang ngiringang ratu idadane wit mangkin, mangdane prasida nyepat sekadi aturang titiang sane wawu. Nyepat ring kapertama, tatujon sekolahe lan sane kaping kalih tatujon iraga masekolah. Sekadi aturan titiang inggih punika ngaruruh sastra lan kawigunan sane jagi anggen nglimbakang kahuripan mangdane prasida maguna ring kawekasan.

Inggih..... Ratu ida dane sareng sami sane tresnasihin titiang.
Wantah asapunika prasida titiang matur ring kanjekan wanti warsa (ulang tahun sekolah) iraga dinane mangkin. Akeh titiang matur, pastika sampun akeh iwangipun. Riantukan asapunika, ring panguntat atur titiang majeng ring iratu idadane, Bapak lan Ibu guru para sisya taler titiiang wantah nglungsur gung rena sinampura.

Puputang titiang antuk paramasanthi
Om Santhi SAnthi SAnthi Om

Nah............ itu tadi contoh pidato bahasa bali di ulang tahun sekolah dengan tema pendidikan.
Semoga dapat bermanfaat bagi kita semua