5W + 1 H Dalam Basa Bali

Ring galah puniki, titiang jagi ngawi indik 5w + 1 H. Niki wantah bahasa Inggris sane sampun ketah kauningin sareng para sujanane sane oneng makarya tulisan wiadin berita. Akeh berita sane wenten ring jagate mangkin. Wenten ring surat kabar, televisi, radio, wiadin media online minakadi Blog, lan media sosial minakadi facebook, twitter miwah sane lianan

5W + 1 H punika pinaka sepat penandan wiadin panuntun para sujana sane seneng nyurat lengkara sane jaga kaanggen warta wiadin gatra mangda unteng pikayunan sane jaga kaunggahang ring gatrane punika prasida kauningan wiadin kawikanin olih sang sane ngwacen miwah nguratiang indik tatuek gatrane punika

Yening anutang ring basa basita basa bali, 5W + 1 H puniki dados kabawos sekadi kasurat ring sor. Nanging, ring tepengan mangkin puniki titiang taler ngaturang, nika boya ja sampun patut, mapan sasuratan puniki wantah pabligbagan titiang newek. Raris, sekadi gatel keneh titiang, metu pangkah ngawe sasuratan -lengkara-lengkara- ring sor. Dumogi semeton pangwacen, ngamolihang kawigunanipun.

Raris tureksain ring sor!

1. W sane kapertama inggih punika WHAT, niki wantah bahasa inggris. Yen anutang ring basa Indonesia dados Apa. Raris rauhang mangkin ring wangun kruna basa bali dados Apa wiadin napi.
   
2. W sane kaping kaling inggih punika WHO, ring basa Indonesia pateh sekadi Siapa. Yening adungang ring basa bali dados sira utawi nyen.
   
3. W sane kaping tiga tan sios malih wantah WHEN. Niki maartos Pidan utami Kapan yening ring basa Indondesia.
   
4. Raris W sane kaping papat, nenten sios WHERE, inggih punika Dimana wiadin ring basa bali dados Dija.
   
5. W sane kaping untat WHY. Niki maartos Mengapa utawi Kenapa
   
6. Raris H sane dados kaping ungkur punika wantah HOW utami Bagaimana (bahasa Indonesia) len raos Kenken utawi Sapunapi ring basa Bali.
   

Asapunika 5W + 1 H sane prasida kawedar. Tulisan punika kantun tuna. Tuna laku tuna artos. Nanging, yadiastun asapunika, wantah krana kawigunan susastra puniki ngaedeng manah titiang ngaturang ring ajeng ratu idedane sareng sami.

Yening atur titiang ring ajeng durung kajentenang kaarti, mangkin ring sor aturang titiang ring wentuk tabel, Raris elinging rong sor!

Inggris	Indonesia	Bali
What	Apa	apa/napi
Who	Siapa	Sira
Where	Dimana	Dija
When	Kapan	Pidan
Why	Mengapa	Kenapi
How	Bagaimana	Kenken/Sapunapi

Asapunika titiang prasida ngaturang. dumogi wenten anggen ngawewehin, wiadin anggen unteng pabligbagan malih sarejeronging nincapang kawigunan wiadin kaweruhan. Ring untat titiang nenten surud-surut nglungsur panugrahan, mangda kaweweihin malih, mangda prasida anut wiadin dados mawasta jangkep. Suksma